Al Ettifaq បានប្រកាសពីការតែងតាំង Gerrard កាលពីថ្ងៃចន្ទ បន្ទាប់ពីអតីតគ្រូបង្វឹក Rangers និង Aston Villa ដើមឡើយបានច្រានចោលសំណើរបស់ ក្លឹបកាលពីចុងខែមិថុនា។

Gerrard សង្ឃឹមថានឹងអាចទទួលបានការងារជាមួយ Leicester City ឬ Leeds United ប៉ុន្តែបានយល់ព្រមចូលរួមជាមួយក្លឹប Saudi Pro League នៅពេលដែលច្បាស់ថាគាត់នឹងមិនមានតំណែងនៅក្នុងប្រទេសអង់គ្លេស។

Gerrard ត្រូវបានគេសន្យាថានឹងផ្តល់ថវិកាដ៏ច្រើនក្នុងគោលបំណងដើម្បីកសាងក្រុម Al Ettifaq ឡើងវិញដែលបានបញ្ចប់ក្នុងចំណាត់ថ្នាក់លេខ៧ កាលពីរដូវកាលមុន ហើយអតីតខ្សែបម្រើដ៏ល្បីល្បាញបានស្នើសុំឱ្យក្លឹបផ្តល់ការផ្តល់ជូនសម្រាប់ អតីតមិត្តរួមក្រុម Liverpool ពីរនាក់របស់គាត់។

ប្រភពបានបញ្ជាក់ថា ទាំងប្រធានក្រុម Liverpool បច្ចុប្បន្ន Henderson និងតារា Aston Villa កីឡាករ Coutinho គឺនៅលើរ៉ាដារបស់ Gerrard នៅរដូវក្តៅនេះ។

បច្ចុប្បន្ន Henderson នៅសល់រយៈពេលពីរឆ្នាំទៀតលើកិច្ចសន្យាបច្ចុប្បន្នរបស់គាត់នៅ Anfield ដោយបានចុះហត្ថលេខាលើកិច្ចសន្យារយៈពេល ៤ឆ្នាំនៅឆ្នាំ២០២១។ បើទោះបីជាគាត់មានអាយុច្រើនឆ្នាំក៏ដោយ ក៏កីឡាករវ័យ ៣៣ឆ្នាំរូបនេះនៅតែជាកីឡាករដ៏មានតម្លៃសម្រាប់ Jurgen Klopp ដោយបង្ហាញខ្លួនបាន ៤១ប្រកួតកាលពីរដូវកាលមុន។

ខ្សែបម្រើរូបនេះបានលេងជាមួយ Gerrard ក្នុងអំឡុងពេល ៤ឆ្នាំដំបូងនៃអាជីព ១២ឆ្នាំរបស់គាត់នៅ Liverpool ដោយឈ្នះពានរង្វាន់ League Cup ជាមួយគ្នាក្នុងរដូវកាល ២០១១/១២៕