បន្ទាប់ពីការរំពឹងទុកជាច្រើនសប្តាហ៍ វាត្រូវបានបញ្ជាក់នៅរសៀលថ្ងៃអង្គារថា Neymar បានបោះបង់បាល់ទាត់អឺរ៉ុបដោយចាកចេញពី Paris Saint Germain ទៅ Al Hilal។Neymar ត្រូវ​បាន​គេ​រាយការណ៍​ថា​នឹង​ទទួល​បាន​ប្រាក់​បៀវត្សរ៍​ដ៏​គួរ​ឱ្យ​ភ្ញាក់ផ្អើល​ចំនួន ១៣៨លាន​ផោន​ក្នុង​មួយ​រដូវ​កាល​អំឡុង​ពេល​ដែល​គាត់​នៅ​ជាមួយ​ក្លឹប​អារ៉ាប៊ីសាអូឌីត។

ក្នុងអំឡុងពេលសម្ភាសន៍លើកដំបូងរបស់គាត់ចាប់តាំងពីបានចូលរួមជាមួយក្លឹប Neymar បានបង្ហើបថាលុយមិនមែនជាកត្តាលើកទឹកចិត្តចម្បងរបស់ គាត់សម្រាប់ការផ្ទេរនោះទេ។ យោងតាម ​​talkSPORT គាត់បាននិយាយថា៖

“ខ្ញុំសម្រេចបានច្រើននៅអឺរ៉ុប និងរីករាយជាមួយពេលវេលាពិសេស ប៉ុន្តែខ្ញុំតែងតែចង់ក្លាយជាកីឡាករនៅលើសកលលោក ហើយសាកល្បង ខ្លួនឯងជាមួយនឹងបញ្ហាប្រឈម និងឱកាសថ្មីៗនៅកន្លែងថ្មីៗ។

ខ្ញុំចង់ចារប្រវត្តិសាស្រ្តថ្មីនៃកីឡា ហើយ Saudi Pro League មានថាមពល និងមានកីឡាករដែលមានគុណភាពដ៏អស្ចារ្យនៅពេលនេះ។

Al Hilal គឺជាក្លឹបយក្សមួយដែលមានអ្នកគាំទ្រដ៏អស្ចារ្យ ហើយជាក្លឹបល្អបំផុតនៅអាស៊ី។ នេះផ្តល់ឱ្យខ្ញុំនូវអារម្មណ៍មួយថា វាគឺជាការ សម្រេចចិត្តដ៏ត្រឹមត្រូវសម្រាប់ខ្ញុំ នៅពេលវេលាដ៏ត្រឹមត្រូវ ជាមួយក្លឹបដ៏ត្រឹមត្រូវ។

ខ្ញុំចូលចិត្តការឈ្នះ និងការស៊ុតបាល់បញ្ចូលទី ហើយខ្ញុំគ្រោងនឹងបន្តធ្វើវានៅក្នុងប្រទេសអារ៉ាប៊ីសាអូឌីត និងជាមួយក្រុម Al Hilal”៕