កីឡាករអាហ្សង់ទីន Lionel Messi ថ្មីៗនេះបានវ៉ាដាច់ខ្សែប្រយុទ្ធរបស់ក្លឹប Al Nassr គឺកីឡាករ Cristiano Ronaldo លើកំណត់ត្រាដែលជាកីឡាករបាល់ទាត់អាជីព មានកំណត់ត្រាពិភពលោកហ្គីណេស (Guinness World Records) ច្រើនជាងគេ។
យ៉ាងណាមិញ នៅថ្ងៃនេះស្ថាប័ន Guinness World Records បានបង្ហាញតាមរយៈគណនី Twitter ផ្លូវការរបស់ពួកគេ ពីតារាងបច្ចុប្បន្នភាពនៃកំណត់ត្រាពិភពលោកហ្គីណេសដែលសម្រេចបានដោយកីឡាករបាល់ទាត់ល្អបំផុត។
នៅក្នុងការអាប់ដេតថ្មីនេះ Messi មានកំណត់ត្រាចំនួន 41 ដែលនាំមុខ Cristiano Ronaldo ជាបេក្ខភាពឈរចំណាត់ថ្នាក់លេខ 2 មានកំណត់ត្រាចំនួន 40។
ក្រៅពីនេះ កីឡាករបាល់ទាត់ដែលស្ថិតក្នុងកំណត់ត្រាកំពូលទាំង 3 ផ្សេងទៀតមានដូចជា Robert Lewandowski មានកំណត់ត្រា 9 ដង, Kylian Mbappe មាន 5 ដង និង Neymar មាន 4 ដង។
Guinness World Records បានបញ្ជាក់ច្បាស់ៗថា សម្រាប់ពេលនេះ Messi មានកំណត់ត្រាច្រើនជាង Cristiano Ronaldo ហើយក៏ច្រើនជាងកីឡាករបាល់ទាត់ទាំងអស់ផងដែរ។ ប្រភព: Dailypost NG
