ការជួបតទល់គ្នាក្នុងជើងទីមួយវគ្គពាក់កណ្តាលផ្តាច់ព្រ័តពានរង្វាន់ Uefa champions League រវាង Real Madrid ទល់​នឹង Manchester City បានបញ្ចប់ទៅក្នុងលទ្ធផល 1-1 ។ ទោះបីជាយ៉ាងណាក៏ដោយខ្សែបម្រើជម្រើសជាតិអង់គ្លេសកីឡាករ Jack Grealish បាននិយាយអំពីភាពសប្បាយរីករាយរបស់គាត់បន្ទាប់ចប់ការប្រកួតជាមួយ ហើយគាត់ជឿថាក្រុមរបស់គាត់នៅរដូវកាលនេះគឺខ្លាំងជាងឆ្នាំមុន ។

ថ្លែងក្រោយចប់ការប្រកួត Grealish បាន​ប្រាប់ BT Sport ថា “ខ្ញុំ​ស្រឡាញ់​ការប្រកួតនេះខ្លាំងណាស់ ។ អ្នក​អាច​មាន​អារម្មណ៍​ភ័យ​ខ្លះ ប៉ុន្តែ​យប់​នេះ​ជា​យប់​ដែល​កីឡាករ​បាល់​ទាត់ តែងតែ​សុបិន​ឃើញ ។ នៅ​កីឡដ្ឋាន និង​ការ​ប្រកួត​បែប​នេះ វា​ដូច​ជា​សុបិន​ក្លាយ​ជា​ការ​ពិត ”  ។ “ខ្ញុំបានទទួលសារពីម្តាយរបស់ខ្ញុំមុនពេលការប្រកួតដែលគាត់បាននិយាយថានេះគឺជាយប់ដែលអ្នកតែងតែស្រម៉ៃកាលពីនៅក្មេង ។

មនុស្សគ្រប់គ្នានៅក្នុងពិភពលោកកំពុងតែមើលអ្នក ។ អ្នកសាកក្តិចខ្លួនឯងទៅមើល នេះគឺជាការពិត” ។ គួរអោយដឹងផងដែរថាក្រុមទាំងពីរនឹងត្រូវជួបគ្នាម្តងទៀតក្នុងការប្រកួតកាត់សេចក្តីជើងទីពីរនៅទឹកដី Etihad វិញម្តង ដែលនឹងធ្វើឡើងនៅយប់ថ្ងៃទី 18 ខែឧសភា ខាងមុខនេះ ។