យោងតាមEl Nacional បានឱ្យ ដឹងថា Manchester United ចាប់អារម្មណ៍យ៉ាងខ្លាំងក្នុងការចុះហត្ថលេខាលើ David Alaba ពី Real Madrid ។ កីឡាករវ័យ 31 ឆ្នាំរូបនេះបានចូលរួមជាមួយក្រុមអធិរាជស ក្នុងឆ្នាំ 2021 ពីក្លឹប Bayern Munich ដោយមិនមានគិតថ្លៃផ្ទេរ។ ចាប់តាំងពីពេលនោះមកគាត់បានបង្ហាញខ្លួនចំនួន 85 ប្រកួតសម្រាប់ក្លឹបយក្ស Madrid ហើយ Alaba បានបង្ហាញខ្លួនចំនួន 39 ប្រកួតក្នុងរដូវកាល 2022-23 ។
ទោះជាយ៉ាងណាក៏ដោយ Real Madrid អាចអនុញ្ញាតឱ្យគាត់ទៅ ខណៈដែលពួកគេមាន Eder Militao រួចហើយដើម្បីលេងជាមួយ Antonio Rudiger ក្នុងខ្សែការពារ។ ស្របពេលជាមួយគ្នានេះ Manchester United កំពុងសម្លឹងមើលការពង្រឹងជម្រើសការពាររបស់ពួកគេ។ មួយវិញទៀតបិសាចក្រហមមាន Lisandro Martinez និង Raphael Varane ក្នុងជួររបស់ពួកគេរួចហើយ។
Victor Lindelof ក៏ស្ថិតនៅក្នុងក្រុមផងដែរក្នុងនាមជាអ្នកបម្រុង។ ទោះជាយ៉ាងណាក៏ដោយ អនាគតរបស់ Harry Maguire គឺមិនប្រាកដប្រជា ហើយកីឡាករអង់គ្លេសក៏ត្រូវបានដកចេញពីតំណែងប្រធានក្រុមផងដែរ។ ដូច្នេះហើយ Alaba អាចជាការបន្ថែមដ៏ល្អសម្រាប់ក្រុម។ កីឡាករអូទ្រីសត្រូវបានចុះកុងត្រាជាមួយ ក្លឹប Los Blancos រហូតដល់ចុងរដូវកាល 2025-26។ យោងតាម Transfermarkt គាត់មានតម្លៃទីផ្សារប៉ាន់ស្មាន 40 លានអឺរ៉ូ។