Manchester United ចង់បានខ្សែប្រយុទ្ធប្រេស៊ីល Gabriel Barbosa ក្នុងខែមករា ហើយសុខចិត្តផ្តល់ជូន Antony ជាថ្នូរនឹងការខ្ចីជើង។

United កំពុងតែជួបការលំបាកក្នុងការរកគ្រាប់បាល់ ខណៈដែល Marcus Rashford ដែលស៊ុតបញ្ចូលទីបាន 30 គ្រាប់កាលពីរដូវកាលមុន រកបានតែមួយគ្រាប់ប៉ុណ្ណោះ។

Rasmus Hojlund រកបាន 3 គ្រាប់ ខណៈ Alejandro Garnacho និង Anthony Martial ក៏ស៊ុតបានតែ 1 គ្រាប់ប៉ុណ្ណោះ។

Barbosa វ័យ 27 ឆ្នាំដែលបានស៊ុតបញ្ចូលទី 18 គ្រាប់សម្រាប់ក្រុម Flamengo ក្របខ័ណ្ឌកំពូលនៅរដូវកាលនេះនៅក្នុងការប្រកួតទាំងអស់គឺអាចរកបានក្នុងតម្លៃបញ្ចុះ 20 លានផោន ខណៈដែលកិច្ចសន្យារបស់គាត់ផុតកំណត់នៅចុងឆ្នាំ 2024។ ក្លឹបរបស់គាត់ Flamengo ក៏ចាប់អារម្មណ៍ក្នុងការនាំយកមិត្តរួមជាតិប្រេស៊ីលរបស់ Barbosa កីឡាករ Anthony ផងដែរ។

Antony វ័យ 23 ឆ្នាំ ដែលមានតម្លៃ 82 លានផោន ពី Ajax ក្នុងឆ្នាំ 2022 មិនទាន់រកគ្រាប់បាល់បាននៅឡើយទេ ហើយបានបង្ហាញខ្លួនត្រឹមតែ 11 ដងប៉ុណ្ណោះ ចំពេលរដូវកាលដ៏លំបាកមួយ បន្ទាប់ពីការចោទប្រកាន់ពីការរំលោភបំពានអតីតមិត្តស្រី។ គាត់ស្ថិតនៅក្រោមកិច្ចសន្យារហូតដល់ឆ្នាំ 2027៕