Van de Beek បានចូលរួមជាមួយ United ក្នុងខែកញ្ញាឆ្នាំ២០២០ ពី Ajax ប៉ុន្តែមិនអាចបង្កើតកន្លែងឈរជើងក្នុងក្រុមដំបូងរបស់ក្លឹប ក្រោមអ្នកចាត់ការមួយចំនួន។ Van de Beek បាននៅពីក្រោយ Bruno Fernandes ក្នុងជួរខ្សែបម្រើកណ្តាល ហើយបានជួបបញ្ហា របួសជាច្រើនកំឡុងពេលលេងនៅប្រទេស អង់គ្លេស។

ក្រោមការដឹកនាំរបស់ Erik ten Hag ដែលជាអ្នកចាត់ការទូទៅរបស់ United បច្ចុប្បន្ន និងជាអតីតអ្នកចាត់ការទូទៅរបស់ Van de Beek នៅ Ajax ប៉ុន្តែ ជោគវាសនារបស់កីឡាកររូបនេះមិនផ្លាស់ប្តូរនោះទេ។

Van de Beek បានរងរបួសក្នុងខែមករាដែលធ្វើឱ្យគាត់អវត្តមានសម្រាប់ពាក់កណ្តាលទីពីរនៃរដូវកាលមុន ហើយខណៈពេលដែលគាត់បានចូលរួមការ ហ្វឹកហាត់មុនបើករដូវកាលក្នុងប៉ុន្មានថ្ងៃថ្មីៗនេះ United ក៏បានចុះហត្ថលេខាលើ Mason Mount ពី Chelsea ផងដែរ ដោយកាត់បន្ថយឱកាសនៃការ លេងរបស់ Van de Beek នៅក្នុងរដូវកាលថ្មី។

Van de Beek មានក្លឹបមួយចំនួននៅ Serie A ចាប់អារម្មណ៍លើរូបគាត់ ដោយ Inter, Roma និង Milan សុទ្ធតែធ្វើការសាកសួរផ្ទាល់របស់ពួកគេ ទោះបីជាគេយល់ថាគាត់មិនមែនជាគោលដៅជម្រើសដំបូងសម្រាប់ក្រុមទាំងបីក៏ដោយ។ នៅ Premier League ក្លឹប Wolves, Nottingham Forest និង Crystal Palace សុទ្ធតែកំពុងតាមដានស្ថានភាពរបស់កីឡាករវ័យ ២៦ឆ្នាំរូបនេះ៕s