កីឡាករ Benzema បានឈ្នះពាន Ballon d’Or ក្នុងឆ្នាំ 2022 បន្ទាប់ពីយុទ្ធនាការ 2021-22 ដ៏អស្ចារ្យជាមួយក្លឹប Real Madrid ។ កីឡាករសញ្ជាតិបារាំងរូបនេះបានស៊ុតបញ្ចូលទីបាន 44 គ្រាប់ក្នុង 46 ប្រកួតដែលបានបញ្ចប់ក្នុងនាមជាអ្នកស៊ុតបញ្ចូលទីច្រើនជាងគេនៅ La Liga និង Champions League ។ មួយវិញទៀតខ្សែប្រយុទ្ធជើងចាស់រូបនេះក៏បានធ្វើជាប្រធានក្រុមអធិរាជសដោយបានលើកពានលីគកំពូលអេស្ប៉ាញ និងពានរង្វាន់ Champions League ផងដែរ ហើយវាជាយុទ្ធនាការដ៏អស្ចារ្យមួយសម្រាប់ខ្សែប្រយុទ្ធឆ្នើមម្នាក់នេះ ។
ជាមួយគ្នានេះដែរអតីតគ្រូបង្វឹក Real Madrid លោក Zidane បានសរសើរ Benzema បន្ទាប់ពីការឈ្នះ Ballon d’Or ដោយគាត់បាននិយាយនៅពេលគេសួរថាតើ Benzema គឺជាខ្សែប្រយុទ្ធល្អបំផុតក្នុងប្រវត្តិសាស្ត្របារាំងមែនទេ? គាត់ក៏បានឆ្លើយតមតាមរយះ CNN ថា “សម្រាប់ខ្ញុំ បាទ បន្ថែមពីលើអ្វីដែលគាត់ធ្វើ អ្វីដែលគាត់បង្ហាញ គាត់នៅ Real Madrid ជាយូរមកហើយ។ ជាង 500 ប្រកួត គ្រាប់បាល់ទាំងអស់ដែលគាត់បានស៊ុតបញ្ចូលទី កំណត់ត្រារបស់គាត់និយាយសម្រាប់ខ្ញុំ គាត់គឺជា ល្អបំផុត។
គួរអោយដឹងផងដែរថាប្រទេសបារាំងមានខ្សែប្រយុទ្ធជើងចាស់ជាច្រើនរូបរួមមាន Eric Cantona, Thierry Henry និង Jean-Pierre Papin តែទោះជាយ៉ាងណាក៏ដោយ Benzema ប្រហែលជាឈរនៅលើកំពូលតារាងនៃបាល់ទាត់បារាំងដោយសារតែការលេងជាប្រចាំរបស់គាត់នៅកម្រិតខ្ពស់សម្រាប់ក្លឹបនឹងក្រុមជម្រើសជាតិ។
