ខ្សែការពារ Sergio Ramos របស់ក្លឹប Paris Saint-Germain  ត្រូវបានគេរំពឹងថានឹងចុះហត្ថលេខាលើកិច្ចសន្យាថ្មីរយៈពេលមួយឆ្នាំទៀត។ ប្រភព Le Parisien បានរាយការណ៍ថា Ramos វ័យ 37 ឆ្នាំនឹងបន្តនៅក្លឹប Paris  មួយរដូវកាលទៀត ហើយនឹងចុះកុងត្រាថ្មីជាមួយក្លឹបយក្សរបស់បារាំង។ កិច្ចព្រមព្រៀងបច្ចុប្បន្នរបស់គាត់ផុតកំណត់នៅចុងបញ្ចប់នៃយុទ្ធនាការ ហើយមានសំណួរជាច្រើនអំពីអនាគតរបស់គាត់។

Ramos បានរីករាយនឹងរដូវកាលដ៏មានផ្លែផ្កា ដោយមានការប្រកួតចំនួន 42 ដង  ។ ខ្សែការពារជើងចាស់រូបនេះបានមកដល់ទឹកដី Parc des Princes នៅរដូវក្តៅឆ្នាំ 2021 លើការផ្ទេរដោយឥតគិតថ្លៃពីក្រុម Real Madrid ហើយក្រុម Parisians អាចជ្រើសរើសបានខ្សែការពារដ៏អស្ចារ្យបំផុតរបស់អឺរ៉ុបម្នាក់នេះ។ ទោះបីជាយ៉ាងណាក៏ដោយកីឡករសញ្ញាតិអេស៉្បាញបានទទួលរងជាមួយនឹងបញ្ហារបួសក្នុងអំឡុងពេលយុទ្ធនាការដំបូងរបស់គាត់នៅទីក្រុងប៉ារីស។

មួយវិញទៀតលោក Galtier បាននិយាយអំពីរឿងនេះនៅពេលត្រូវបានសួរអំពីអនាគតរបស់គាត់នៅក្នុងខែមេសាថា “គាត់មានរដូវកាលដ៏លំបាកកាលពីឆ្នាំមុន ជាមួយនឹងរបួសកំភួនជើង។ គាត់មានការរៀបចំពេញលេញ។ គាត់ជាកីឡាករអាជីពល្អណាស់ គាត់គឺជាកីឡាករសំខាន់ម្នាក់នៅក្នុងបន្ទប់ផ្លាស់សំលៀកបំពាក់។ បន្ថែមលើពីនេះ Ramos បានត្រលប់មកវិញពីការចាប់ផ្តើមដ៏លំបាករបស់គាត់ក្នុងជីវិតនៅក្លឹបអ្នកមានបារាំង ប៉ុន្តែឥឡូវនេះគាត់បានក្លាយជាកីឡាករសំខាន់នៅក្នុងក្រុមរបស់លោក Galtier ។