ភ្នំពេញ៖ អាចនិយាយបានថា កាលពីយប់មិញនេះ ក្រុមកីឡាបាល់ទះកម្ពុជា បានប្រកួតយកឈ្នះ ក្រុមកីឡាបាល់ទះប្រទេសថៃ។ ក្រោយចប់ការប្រកួត ហើយកម្ពុជាអាចយកឈ្នះថៃភ្លាម ក៏មានដំណឹងដ៏សោកសៅមួយ សម្រាប់កីឡាករបាល់ទះលោក ឈាង ភារ័ត្ន ដែលត្រូវបាត់បង់អ្នកមានគុណ ដែលជាលោកយាយជាទីគោរព។
ជាមួយគ្នានេះដែរ សមាជិកក្រុមជម្រើសជាតិបាល់ទះកម្ពុជា លោក ឈាង ភារ័ត្ន មានតួនាទីលីប្រូ បានបាត់បង់អ្នកមានគុណម្នាក់ មុនពេលប្រកួតជាមួយក្រុមជម្រើសជាតិប្រទេសថៃ ប៉ុន្តែត្រូវបានខាងក្រុមគ្រួសារលាក់បាំង ដើម្បីកុំឲ្យកីឡាកររូបនេះ ប៉ះពាល់ផ្លូវចិត្តមិនអាចប្រកួតបន្តបាន។
ពិតណាស់ ដំណឹងសោកសៅនេះទេីបតែទម្លាយក្រោយពេល ក្រុមកីឡាករកម្ពុជា យកឈ្នះក្រុមកីឡាករប្រទេសថៃ ឡេីងវគ្គផ្ដាច់ព្រ័ត្រដណ្ដើមមេដាយមាស។ ក្នុងនោះដែរ ខាងខ្មែរឡូដ ក៏សូមចូលរួមរំលែកទុក្ខទៅកាន់លោក ឈាង ភារ័ត្ន និងក្រុមគ្រួសារ ដែលបាត់បង់លោកយាយជាទីគោរពស្រលាញ់ និងជូនពរឲ្យលោក ឈាង ភារ័ត្ន រឹងមាំ ដើម្បីប្រកួតយកឈ្នះក្រុមកីឡាបាល់ទះប្រទេសឥណ្ឌូនេស៉ី អាចដណ្ដើមបានមេដាយមាសជូនជាតិ៕
