ខ្សែបម្រើស្លាបសញ្ជាតិម៉ារ៉ុក Hakim Ziyech ត្រូវបានគេរាយការណ៍ថាបានជួបការលំបាកយ៉ាងខ្លាំងក្នុងការផ្ទេរពី Chelsea ទៅកាន់ក្រុម Al-Nassr របស់អារ៉ាប៊ីសាអូឌីត បន្ទាប់ពីបរាជ័យផ្នែកវេជ្ជសាស្ត្រ។

ខ្សែប្រយុទ្ធវ័យ ៣០ឆ្នាំរូបនេះគឺជាកម្មវត្ថុនៃការផ្ទេរដែលមានតម្លៃ ៨លានផោនទៅកាន់ Al-Nassr នៅរដូវក្តៅនេះ បន្ទាប់ពីក្រុមតោខៀវ Chelsea ជម្រុះកីឡាករទ្រង់ទ្រាយធំនាពេលថ្មីៗនេះ។

ទោះជាយ៉ាងណាក៏ដោយ របាយការណ៍ថ្មីៗនេះកំពុងបង្ហាញថាកីឡាករម៉ារ៉ុកបានបរាជ័យផ្នែកវេជ្ជសាស្រ្ត មុនពេលការផ្លាស់ប្តូរបានជោគជ័យ។

និយាយអំពីការបរាជ័យនាពេលថ្មីៗនេះ អ្នកកាសែតបាល់ទាត់ Sami Mokbel បានបង្ហាញថា Al-Nassr បានប្រទះឃើញមានការព្រួយបារម្ភយ៉ាងខ្លាំង នៅក្នុងជង្គង់របស់ Ziyech អំឡុងពេលពិនិត្យសុខភាពរបស់គាត់។ នៅក្នុង Tweet តាមរយៈ Twitter ផ្លូវការរបស់គាត់បានសរសេរថា៖

“ការផ្លាស់ប្តូររបស់ Hakim Ziyech ទៅកាន់ Al Nassr ត្រូវបានបិទ បន្ទាប់ពីបញ្ហាជង្គង់ត្រូវបានរកឃើញនៅក្នុងពេលធ្វើតេស្តវេជ្ជសាស្ត្ររបស់ គាត់។ Chelsea នឹងទទួលបានតម្លៃផ្ទេរ ៨លានផោនជាផ្នែកនៃកិច្ចព្រមព្រៀង។ Ziyech នឹងទទួលបានប្រាក់សុទ្ធ ៩លានផោន”៕