Inter បានយកឈ្នះក្រុម Benfica ក្នុងលទ្ធផល ៥-៣ បន្ទាប់ពីស្មើ ៣-៣ នៅលើទឹកដី San Siro ក្នុងវគ្គ ៨ក្រុមចុងក្រោយ កាលពីថ្ងៃពុធ ដែលមានន័យថាពួកគេនឹងជួបគូប្រជែងរួមក្រុង Milan ក្នុងវគ្គពាក់កណ្តាលផ្តាច់ព្រ័ត្រជាលើកដំបូងចាប់តាំងពីដូវកាល ២០០២-០៣ ខណៈដែលវាក៏នឹងជាលើកទីមួយដែលអ្នកទាំងពីរនឹងជួបគ្នា ៥ដងក្នុងមួយរដូវកាល។
អ្នកចាត់ការក្លឹប Inter លោក Inzaghi បាននិយាយបន្ទាប់ពីការប្រកួតថា៖
“មានសុភមង្គលខ្លាំងណាស់។ ពួកយើងបានលេងការប្រកួតដ៏អស្ចារ្យជាមួយក្រុមដ៏លំបាកមួយ។ យើងសមនឹងទទួលបានការប្រកួតវគ្គពាក់កណ្តាលផ្តាច់ព្រ័ត្រនេះ ដែលពីមុនគ្រាន់តែជាសុបិនមួយប៉ុណ្ណោះ។ យើងបានចាប់ផ្តើមជាមួយនឹងក្រុមដ៏លំបាកក្នុងពូលជាមួយ Barcelona និង Bayern Munich។ យើងធ្វើការជារៀងរាល់ថ្ងៃដើម្បីទទួលបទពិសោធន៍នៅពេលល្ងាចនេះ”។
ការឆ្លងមកដល់វគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League ជាលើកដំបូងចាប់តាំងពីពួកគេបានឈ្នះការប្រកួតក្នុងឆ្នាំ ២០០៩-១០ គួរតែបន្ធូរបន្ថយសម្ពាធខ្លះទៅលើ Inzaghi ដែលបានចូលមករិះគន់ទម្រង់លេងរបស់ក្រុម ដោយមិនបានឈ្នះណាមួយក្នុងចំណោមការប្រកួត ៥ចុងក្រោយរបស់ពួកគេនៅ Serie A ចាញ់ ៤ដង។
គាត់បានលើកឡើងថា៖
“អ្នករិះគន់មិនមែនជាបញ្ហាទេ។ ខ្ញុំដឹងថាពួកគេមកពីណា។ អ្នកខ្លះនិយាយល្អ ខ្លះនិយាយអាក្រក់”៕