Tottenham របូតគ្រាប់បាល់ ៥-០ បន្ទាប់ពីលេងបានត្រឹមតែ ២១នាទីនៅកីឡដ្ឋាន St James’ Park និងបញ្ចប់ការប្រកួតដោយលទ្ធផល ៦-១ ក្នុងជំនួបនៅ Premier League។

ការ​ការពារ​ដ៏ខ្សោយ និង​ការ​ខ្វះ​ឆន្ទៈ​ពី​កីឡាករ​ Tottenham ​បាន​ធ្វើឲ្យ​ពួកគេ​ឈរនៅចំណាត់ថ្នាក់លេខ​ ហើយ​ក្រុម​ម្ចាស់​ផ្ទះ Newcastle ​ឈាន​ទៅ​ចំណាត់​ថ្នាក់​លេខ​៣​​ ក្នុងតារាង Premier League។

ការថយចុះនេះ ពួកគេប្រថុយនឹងការខកខានក្នុងការប្រកួតបាល់ទាត់អឺរ៉ុបនៅរដូវកាលក្រោយ ហើយ Lloris បានសារភាពថាការខិតខំប្រឹងប្រែងរបស់ពួកគេទល់នឹង Newcastle មានភាពអាម៉ាស់ និងមានភាពរញ៉េរញ៉ៃបន្តិច។

Lloris បានប្រាប់ Sky Sports ក្រោយចប់ការប្រកួតថា៖

“វាពិតជាអាម៉ាស់ណាស់ ហើយរឿងដំបូងដែលយើងគួរតែធ្វើ គឺសុំទោសអ្នកគាំទ្រដែលបានធ្វើដំណើរមក និងអ្នកគាំទ្រដែលបានទស្សនាការប្រកួត។

ជាក់ស្តែងយើងមិនបានបង្ហាញពីមុខមាត់ដ៏អស្ចារ្យនៅថ្ងៃនេះទេ។ ខ្ញុំគិតថាយើងមិនអាចផ្គូផ្គងការលេងរបស់កីឡាករ Newcastle បានទេ។ យើងយឺតយ៉ាវក្នុងគ្រប់ទិដ្ឋភាពទាំងអស់នៃការប្រកួត ហើយយើងខកខានផ្នែកដំបូងនៃការប្រកួត។

ជាក់ស្តែងតង់ទីពីរគឺជារឿងមួយទៀត ប៉ុន្តែវាពិតជាឈឺចាប់ណាស់ថ្ងៃនេះ វាមិនមែននិយាយអំពីកលល្បិចនោះទេ វាគ្រាន់តែពួកយើងមិនអាចប្រយុទ្ធបាន។

ខ្ញុំគិតថា Newcastle ទើបតែមានទម្រង់លេងដ៏អស្ចារ្យ។ ពួកគេមានភាពពុះកញ្រ្ជោល វាយលុកយ៉ាងខ្លាំង រាល់ពេលដែលពួកគេទទួលបានបាល់។ ពួកគេទន្ទឹងរង់ចាំ ហើយប្រហែលជាវាពិបាកក្នុងការវាយតម្លៃ និងវិភាគការលេងនាពេលនេះ។

ប៉ុន្តែរឿងដំបូងគឺវាប្រហែលជាខ្វះមោទកភាព។ ក្នុងការយកឈ្នះ ៤គ្រាប់ក្នុងរយៈពេល ២០នាទី … នៅលើទីលាន វាជារឿងចម្លែក ដូចជាយើងមិនអាចប្រតិកម្មបានទេ។ Newcastle សមនឹងទទួលបានស្នាដៃច្រើន។

ពួកគេបានចាប់ផ្តើមការប្រកួតក្នុងល្បឿន ១០០ម៉ាយក្នុងមួយម៉ោង ហើយពួកគេមានថាមពលខ្លាំង ហើយដឹងច្បាស់ពីអ្វីដែលត្រូវធ្វើជាមួយបាល់ និងដោយគ្មានបាល់ ហើយពួកយើងយឺតបន្តិចនៅគ្រប់ទីកន្លែងនៅលើទីលានក្នុងគ្រប់ទិដ្ឋភាពនៃការប្រកួត”៕