Yorke វ័យ ៥១ឆ្នាំក៏បានចង្អុលបង្ហាញថាបិសាចក្រហមបានចាញ់ការប្រកួតលីគរដូវកាលនេះ (៩ដង) ច្រើនជាងជាងការដឹកនាំពេញមួយរដូវកាលរបស់ អតីតអ្នកចាត់ការ Ole Gunnar Solskjaer (៨ដងក្នុងឆ្នាំ ២០១៩-២០ និង ៦ដងក្នុងឆ្នាំ ២០២០-២១)។ ឥឡូវនេះធ្វើជាគ្រូបង្វឹក ដែលជាអតីតខ្សែប្រយុទ្ធ ជាមិត្តរួមក្រុមជាមួយ Solskjaer កំឡុងពេលក្លឹបឈ្នះ Treble ដ៏ល្បីល្បាញក្នុងឆ្នាំ១៩៩៩។
គាត់បានប្រាប់ King Casino Bonus ថា៖
“Erik ten Hag បានចាញ់ ៩ប្រកួតក្នុង Premier League ហើយបង្កើតបញ្ហាមួយចំនួន។ ប្រសិនបើអ្នកជាអ្នកគ្រប់គ្រងក្លឹប Manchester United អ្នកនឹងតែងតែត្រូវបានត្រួតពិនិត្យសម្រាប់ព័ត៌មានលម្អិត ឬកំហុសឆ្គង។ គ្មានកន្លែងណាត្រូវលាក់បាំងនោះទេ។
លោក Ole Gunnar Solskjaer មានកំណត់ត្រាល្អជាង Ten Hag ក្នុងរយៈពេលពេញពីររដូវកាលរបស់គាត់ដែលគ្រប់គ្រងក្លឹប ហើយគេឯងសរសើរពីវឌ្ឍនភាពដែលយើងបានធ្វើ និងទម្រង់លេងបាល់ទាត់កាន់តែប្រសើរ។
ដោយសារ Manchester United បានឈានដល់វគ្គផ្តាច់ព្រ័ត្រ FA Cup ឈ្នះពាន Carabao Cup និងបានចូលទៅជ្រៅក្នុង Europa League ដូច្នេះហើយទើបមានការរីកចម្រើន ប៉ុន្តែ Ten Hag ចាញ់ការប្រកួត Premier League ច្រើនជាង Solskjaer ក្នុងរដូវកាល ២០១៩-២០ និង ២០២០-២១។
លទ្ធផលមិនទាន់ល្អគ្រប់គ្រាន់ទេក្នុងរដូវកាលនេះ Manchester United កំពុងសម្លឹងមើលទៅលើ ហើយកំពុងព្យាយាមដើម្បីដណ្តើមចំណាត់ថ្នាក់លេខ៤ ខ្ញុំមិនច្បាស់ថានោះជាកន្លែងដែលក្លឹបចង់ទៅដល់នោះទេ”៕