ក្រុម U-22 ឥណ្ឌូណេស៊ី បានយកឈ្នះក្រុមជម្រើសជាតិថៃ នៅម៉ោងបន្ថែមក្នុងលទ្ធផល ៥-២ នៅពហុកីឡដ្ឋានជាតិអូឡាំពិក វគ្គផ្ដាច់ព្រ័ត្រ ទទួលបានមេដាយមាសក្នុងព្រឹត្តិការណ៍កីឡាស៊ីហ្គេមលើកទី ៣២។
ក្រោយឥណ្ឌូនេស៊ី ទទួលបានជ័យជម្នះក្នុងការប្រកួតយប់ថ្ងៃទី ១៦ ខែឧសភា ឆ្នាំ ២០២៣ សហព័ន្ធកីឡាបាល់ទាត់កម្ពុជា បានបង្ហោះសារអបអរសាទរក្រុមជម្រើសជាតិឥណ្ឌូណេស៊ី U22 ទទួលបានមេដាយមាស និងក្រុមជម្រើសជាតិថៃ U22 ទទួលបានមេដាយប្រាក់ ក្នុងវិញ្ញាសាបាល់ទាត់បុរស អាយុក្រោម ២២ ឆ្នាំ ព្រឹត្តិការណ៍កីឡាស៊ីហ្គេម ២០២៣។
ទន្ទឹមគ្នានោះ លោកគ្រូបង្វឹកជម្រើសជាតិកម្ពុជា U22 លោក Keisuke Honda បានចែករំលែកការបង្ហោះនោះបន្ដ ព្រមទាំងភ្ជាប់ជាមួយនឹងពាក្យមួយម៉ាត់យ៉ាងមានន័យ ហាក់សម្ដែងនូវក្ដីរំភើបចំពោះការខិតខំប្រឹងប្រែងរបស់កីឡាករបាត់ទាត់ទាំងអស់ ដោយលោកបានសរសេរថា៖ «Congratulations» ដែលមានន័យជាភាសាខ្មែរថា «អបអរសាទរ»៕