ខ្សែការពារ Raphael Varane របស់ក្លឹប Manchester United បានថ្លែងអំណរគុណយ៉ាងជ្រាលជ្រៅចំពោះអតីតមិត្តរួមក្រុម Real Madrid គឺ Karim Benzema ។ កីឡាករ Benzema នឹងចូលរួមជាមួយក្លឹប Al-Ittihad របស់ Saudi Pro League ឆាប់ៗនេះ បន្ទាប់ពីចាកចេញពីក្លឹបអេស្ប៉ាញ ខណៈដែលកិច្ចសន្យារបស់គាត់នឹងបញ្ចប់ក្នុងខែនេះ។ Varane បានចែករំលែកសារមួយបន្ទាប់ពីបានលេងជាមួយ Benzema នៅ Real Madrid ចន្លោះឆ្នាំ 2011 និង 2021។
នៅក្នុងសារដ៏ស្មោះស្ម័គ្រសម្រាប់មិត្តរួមជាតិ និងអតីតមិត្តរួមក្រុម Varane បានសរសេរនៅលើ Instagram ថា៖ “គោលបំណង ការចងចាំ ពានរង្វាន់ និងការគោរព។ សូមសំណាងល្អនៅក្នុងជំពូកបន្ទាប់របស់អ្នក @karimbenzema ។ គួរអោយដឹងផងដែរថា Karim Benzema បានចូលរួមជាមួយក្លឹប Real Madrid ក្នុងឆ្នាំ 2009 ពី ក្រុម Olympique Lyon ហើយគាត់ចាកចេញពីក្លឹបដោយបានឈ្នះពានរង្វាន់ចំនួន 25 រួមទាំងពានរង្វាន់ UEFA Champions League ចំនួនប្រាំ។
គាត់ក៏ជាអ្នករកគ្រាប់បាល់បានច្រើនជាងគេទីពីរក្នុងប្រវត្តិសាស្ត្ររបស់ក្លឹបផងដែរ មានចំនួនសរុគឺ 354 គ្រាប់ដោយ Cristiano Ronaldo មាន 450 ។ គ្រាប់ចុងក្រោយរបស់ Benzema សម្រាប់ក្លឹបយក្សម៉ាឌ្រីដ គឺជាការស៊ុតបញ្ចូលទី បាល់ប៉េណាល់ទីក្នុងលទ្ធផលស្មើ 1-1 ទល់នឹងក្រុម Athletic Bilbao។
