ក្រោយពីប្រកាសចាកចេញពីក្លិប Real Madrid បន្ទាប់ពីចាយពេល ៤រដូវកាល Eden Hazard បានក្លាយជាកីឡាករផ្ទេរអាក្រក់បំផុតសម្រាប់ក្លិបយក្សអេស្ប៉ាញមួយនេះ។

Real Madrid មិនដែលខ្លាចក្នុងការចាយលុយនោះទេ ជាក់ស្ដែងដូចជា Cristiano Ronaldo និង Karim Benzema ដែលពួកគេបានចុះហត្ថលេខាបានក្លាយជាកីឡាករដ៏អស្ចារ្យបំផុត ក្នុងប្រវត្តិសាស្ត្ររបស់ពួកគេ។

ទោះយ៉ាងណាក៏ដោយ មានកីឡាករជាច្រើនផ្សេងទៀតដែលក្លិប Real Madrid បានចំណាយប្រាក់យ៉ាងច្រើន ប៉ុន្តែបែរជាមិនជោគជ័យទៅវិញ។

កីឡាករល្បីៗក្នុងចំណោមកីឡាករទាំងនោះក៏រួមមាន Eden Hazard ដែលទើបនឹងប្រកាសថានឹងចាកចេញពីទឹកដី Santiago Bernabeu នៅរដូវក្តៅនេះ ដោយបានយល់ព្រមលុបចោលកិច្ចសន្យាឆ្នាំចុងក្រោយរបស់គាត់ នៅក្នុងរដ្ឋធានីអេស្ប៉ាញតែម្ដង។

កីឡាករសញ្ជាតិបែលហ្ស៊ិករូបនេះ តែងតែជួបបញ្ហារបួសជាញឹកញាប់ ចាប់តាំងផ្ទេរពីក្លិប Chelsea ក្នុងតម្លៃខ្ពស់កប់ពពក ហើយបានចាកចេញពី Real Madrid វិញ ក្នុងកំណត់ត្រាអាក្រក់បំផុតមួយក្នុងប្រវត្តិសាស្ត្រក្លឹប។

ចង់ដឹងថា តើកីឡាករណាខ្លះទៀតដែលជាការចុះហត្ថលេខាដ៏អាក្រក់បំផុតរបស់ Real Madrid តោះទៅតាមដានជាមួយ Admin ទាំងអស់គ្នា៖

១០-កីឡាករ Reinier Jesus នាំយកពីក្លិប Flamengo ក្នុងតម្លៃ ៣០លានអឺរ៉ូ ឆ្នាំ២០២០
៩- កីឡាករ Robert Prosinečki នាំយកពីក្លិប Red Star ក្នុងតម្លៃ ១៥លានអឺរ៉ូ ឆ្នាំ១៩៩១
៨-កីឡាករ Wálter Samue នាំយកពីក្លិប AS Roma ក្នុងតម្លៃ ២៥លានអឺរ៉ូ ឆ្នាំ២០០៤

៧-កីឡាករ Nicolas Anelka នាំយកពីក្លិប Arsenal ក្នុងតម្លៃ ៣៤.៥លានអឺរ៉ូ ឆ្នាំ១៩៩៩
៦-កីឡាករ James Rodríguez នាំយកពីក្លិប AS Monaco ក្នុងតម្លៃ ៨០លានអឺរ៉ូ ឆ្នាំ២០១៤
៥-កីឡាករ Elvir Baljić នាំយកពីក្លិប Fenerbahce ក្នុងតម្លៃ ២៦លានអឺរ៉ូ ឆ្នាំ១៩៩៩

៤-កីឡាករ Kaka នាំយកពីក្លិប AC Milan ក្នុងតម្លៃ ៦៥លានអឺរ៉ូ ឆ្នាំ២០០៩
៣-កីឡាករ Jonathan Woodgate នាំយកពីក្លិប Newcastle ក្នុងតម្លៃ ១៨.៣លានអឺរ៉ូ ឆ្នាំ២០០៤
២-កីឡាករ Luka Jović នាំយកពីក្លិប Eintracht Frankfurt ក្នុងតម្លៃ ៦៦លានអឺរ៉ូ ឆ្នាំ២០១៩
១-កីឡាករ Eden Hazard នាំយកពីក្លិប Chelsea ក្នុងតម្លៃ ១២០លានអឺរ៉ូ ឆ្នាំ២០១៩