បន្ទាប់ពីរយៈពេល ១២ឆ្នាំនៅក្លឹប David de Gea បានចាកចេញពី Manchester United បន្ទាប់ពីកិច្ចសន្យារបស់គាត់ផុតកំណត់នៅរដូវក្តៅនេះ។ ប៉ុន្តែការពិតអំពីការចាកចេញរបស់គាត់ និងការផ្តល់ជូនកិច្ចសន្យាដែលគេចោទថាបានផ្តល់ទៅឱ្យកីឡាករអេស្បាញ ត្រូវបានបង្ហាញដោយអ្នកខាងក្នុងក្លឹប។

ផ្ទុយពីសេចក្តីរាយការណ៍ De Gea ពិតជាមិនដែលត្រូវបានផ្តល់ជូនកិច្ចសន្យាថ្មីនៅ Old Trafford នោះទេ នេះបើយោងតាម ​​Manchester Evening News។

របាយការណ៍ដដែលនេះបញ្ជាក់ថា មនុស្សនៅក្នុងក្លឹបទទូចថាគ្មានកិច្ចសន្យាណាមួយត្រូវបានផ្តល់ជូនជាផ្លូវការដល់កីឡាករវ័យ ៣២ឆ្នាំនោះទេ។ ទន្ទឹមនឹងការអះអាងផងដែរថា អតីតកីឡាករលេខ១ បានឆ្លុះបញ្ចាំងពីស្ថានភាពរបស់គាត់នៅចុងបញ្ចប់នៃរដូវកាល ២០២២-២៣។

United និង De Gea បានយល់ស្របគ្នាទៅវិញទៅមកថាវាជាពេលវេលាត្រឹមត្រូវក្នុងការដើរផ្លូវដាច់ដោយឡែកពីគ្នា ដោយអ្នកចាត់ការ Erik ten Hag បានប្តេជ្ញាបញ្ចប់ការចុះហត្ថលេខាលើ Onana ពី Inter Milan មុនពេលចាប់ផ្តើមដំណើរទេសចរណ៍មុនរដូវកាលរបស់ពួកគេ៕